انهارده انا بكتب لإنسان .. يمكن لو قولت انى كنت بعتبره اخ هبقا بظلمه .. برغم انى اتعاملت معاه قليل اوى بس كنت بحسه اخويا وكنت بتمنا يكونلى اخ فعلا .. الانسان دا احمد اخو امانى صحبتي ربنا يرحمه .. فاكره الليله اللى قبل مايتوفى فيها لما كنا عنده فالمستشفى وكان بيسألنى عامله ايه فالشغل و عاملين معايا ايه وشاغله امرى .. وفاكرني .. رغم ان قلبه كان تعبان وكان حتى خايف يتعب الدكاتره والممرضين معاه ومبيرداش ينادي حد .. فاكره لما كان بيضحكنا وهوا حزين وكفايه انه يبقا فأى مكان عشان يبقا حلو .. كان عامل زي الطفل .. كان بيقولى النمله الطائشه وكنت بقوله الفيل صديقي .. انا مزعلتش عليه لما اتوفى لانى عارفه ان قلبه طاهر وانه اترحم ربنا يرحمه ويرحمنا .. هما ليه الطيبين بيبقوا غراب فالدنيا دي .. انا حاسه انك مبسوط يااحمد ربنا يسعدك وتكون بخير واشوفك فالاخره يارب .. حبيت يكونلك مكان فمدونتى .. عشان تنورها .. ربنا يرحمك يا أحمد...
الاغنيه دي بحسها انا ومونى عليه ...
ليست هناك تعليقات:
إرسال تعليق