بنلف فى دواير والدنيا تلف بينا
ودايمـا ننتهى لمطـرح ما ابتدينا
طيور الفجر تايهه فى عتمه المدينه
بتدوووور
مبنكتبش الرسايل مبننتظرش رد
لا حد فى يوم سمعنا ولا بنسمع حد
طيور العمر تايهه فى عتمه المدينه
بتدوووور
ساكنين فى عالم يعشق الخطر .. فيه الطيور تهرب من الشجر
وتهرب النجوم من القمر .. وتهرب الوجوة من الصور
بنلف فى دواير ندور ع الامان .. ونلاقينا رجعنا تانى لنفس
المكان
ندور .. ندور .. ندووووور
نحلم ونحلم بالحياة المفرحه واتارى احلامنا بلا اجنحه
ندور ندور ندور بجناح حزين مكسور
ساعات نشوف فى العتمه وساعات نتوة فى النور
ساعات عيونا بالاسى تفرح وساعات فى ساعه الفرح ننوح
ولا حاضر ولا ماضى تروس بتلف ع الفاضى
ولا فينا شباب زعلان ولا فينا شباب راضى
مفيش غير اننا بندووور ..ندووووور ..ندووووور
بندوووووووووووووووووووووووور
لم اجد خيرا منها كلمات تعبر عما بداخلى فقد عجز قلمى عن صراخه ... ربما ذهب فى غيبوبه او اصابه الخرس لعجزه عن مساعدتى وتحمل عقلى وقلبى فى مكان واحد....لا اعلم اين انا ....دوامه !!....ياليتنى استطيع ان ادخل فى غيبوبه ابديه .....لا اريد التفكير ولست انا التى تتعايش مع طريق مفروض دون تفكير ....هذا عيبى... اعترف به.. وذنبى.. ولا اعلم كيف اتوب عنه .....لم يعد لي رفيق مخلص كحزنى.........ارى كلامى بلا معنى
هناك تعليق واحد:
كلمات ولحن وصوت بجد من اجمل الحاجات الي اتعملت والي عبرت عن الحالة الي احنا كلنا عايشين فيها
جميلة يا حبي
إرسال تعليق